Proqram təminatı

Komandamız ixtiyari mürəkkəbliyə malik informasiya sistemlərinin yaradılması və belə sistemlərə texniki dəstəyin göstərilməsi istiqamətində ixtisaslaşmış mütəxəssislərdən ibarətdir. Konsepsiyadan başlayaraq, sistemin layihələndirilməsi, yaradılması, istismara verilməsi və istifadəsi müddətində komandamız tərəfindən göstərilən xidmətin müştərilərin unikal məqsəd və ehtiyaclarına uyğun şəkildə formalaşdırılması diqqət etdiyimiz əsas məqamlardandır.

Təhlil və planlaşdırma

Məqsədlərin, tələblərin və mövcud çağırışların dəqiq müəyyənləşdirilməsi üçün biznes analitiklərimiz və texniki rəhbərlərimiz müştərilərimizlə yaxından çalışır. Ehtiyacları diqqətlə təhlil etməklə tələbləri özündə əks etdirən texniki sənədlər və layihənin icrasına dair yol xəritəsi hazırlanır ki, bu da öz növbəsində qarşıdakı mərhələlər üçün əsas olaraq çıxış edir.

Layihələndirmə

Müəyyən edilmiş tələbləri əsas götürərək dizaynerlərimiz intuitiv və istifadəçi yönümlü interfeyslər hazırlayır. Bununla yanaşı komandamızda çalışan və geniş təcrübəyə malik sistem arxitektorları dayanıqlı və genişlənəbilən proqram təminatları üçün baza təşkil edən sistemlər layihələndirir. Belə bir yanaşmanın tətbiq olunması bu günün tələblərinə cavab verməklə yanaşı gələcək ehtiyaclara uyğunlaşa bilən mürəkkəb informasiya sistemlərinin yaradılması üçün vacib rola malikdir.

Proqram təminatının yaradılması

Peşəkar mühəndislərimiz ən yaxşı təcrübələrin tətbiq olunması ilə sadə, effektiv və modulyar proqram kodlarının tərtib olunmasına xüsusi önəm verməklə funksional və qeyri-funksional tələblərə əsasən ixtiyari mürəkkəbliyə malik olan dayanıqlı proqram təminatı hazırlayır.

Keyfiyyətə nəzarət

Hazırlanmış proqram təminatının müəyyən etdiyimiz yüksək keyfiyyət standartlarına cavab verdiyindən əmin olmaq üçün keyfiyyətə nəzarət üzrə ixtisaslaşmış mütəxəssislərimiz hazırlanmış funksionallığının düzgünlüyünü, stabilliyini, təhlükəsizliyini və effektivliyini xüsusi diqqətlə yoxlayır.

İstismara vermə və texniki dəstək

Yaradılmış funksionallığın stabil formada istismara verildiyindən əmin olduqdan sonra, proqram təmatının effektiv şəkildə çalışması və biznesin dəyişən tələblərinə uyğunlaşa bilməsi üçün tələb olunan davamlı texniki dəstək təmin edirik.

Digər Xidmətlər

Proqram təminatı

Süni intellekt

Süni İntellekt (Sİ) texnologiyaları müasir dünyada müxtəlif sahələrdə inqilab yaradır və məlumatların təhlili, avtomatlaşdırma, proqnozlaşdırma kimi funksiyaları yeni bir səviyyəyə qaldırır. Komandamızın süni intellekt sahəsində malik olduğu geniş təcrübə bizə müxtəlif layihələrdə mürəkkəb problemlərə innovativ yanaşma ilə ağıllı həllər təklif etməyə imkan verir. Biz müəssisələrə rəqabət qabiliyyətlərini artırmağa, qərarvermə proseslərini optimallaşdırmağa və əməliyyat effektivliyini artırmağa kömək edirik.

Data analitika

Peşəkar mütəxəssislərdən ibarət komandamız, təşkilatlara malik olduqları məlumatları müxtəlif təhlil üsulları vasitəsi ilə praktiki nəticələrə və informasiyaya çevirməklə qərar verməni təkmilləşdirməyə və fəaliyyətlərini irəli aparmağa dəstək olur.

Peyk müşahidələri

Məsafədən Zondlama xidmətləri çərçivəsində, biz müxtəlif sənayelər üçün yüksək ayırdetmə qabiliyyətinə malik peyk şəkilləri və xüsusi hazırlanmış məlumat analitikası təqdim edirik. Bu sahədə olan həllərimiz kənd təsərrüfatı, ətraf mühitin idarə edilməsi və infrastruktur sahələrində peyk məlumatlarına əsaslanan düzgün qərarlar qəbul etmək imkanı yaradır. Türksat, Planet Labs, ECURS, Azercosmos və digər komersial peyk təchizatçıları ilə birbaşa olan əməkdaşlığımız çərçivəsində ümumilikdə 400-dən artıq peyk məhsullarına çıxışı müştərilərimiz üçün təmin edirik.

Coğrafi İnformasiya Sistemləri

Coğrafi İnformasiya Sistemləri (CİS) məkansal məlumatları yüksək dəqiqliklə toplamaq, idarə etmək, təhlil etmək və vizuallaşdırmağa imkan verən texnologiyadır. Komandamız ekoloji tendensiyaların təhlilindən tutmuş şəhər planlaşdırmasına qədər müxtəlif idarələrə, qurumlara, beynəlxalq təşkilatlara və fərdlərə əsaslı fikirlər əldə etmək məqsədilə bu istiqamətdə xidmətlər göstərir.