Data analitika

Peşəkar mütəxəssislərdən ibarət komandamız, təşkilatlara malik olduqları məlumatları müxtəlif təhlil üsulları vasitəsi ilə praktiki nəticələrə və informasiyaya çevirməklə qərar verməni təkmilləşdirməyə və fəaliyyətlərini irəli aparmağa dəstək olur.

Data strategiyasının müəyyənləşdirilməsi

Birgə fəaliyyət çərçivəsində biznesinizin məqsədləri ilə uyğunlaşdırılmış effektiv data strategiyasını müəyyənləşdiririk. Peşəkar mütəxəssislərimiz mövcud data infrastrukturunuzu qiymətləndirərək təşkilatınızın data-əsaslı idarəetməyə keçidi üçün yol xəritəsini hazırlayır.

Təsviri və diaqnostik analitika

Təsviri və diaqnostik analitika xidmətimiz sahib olduğunuz məlumatları daha dərindən anlamaq üçün zəmin yaradır. Nə baş verdiyinə və niyə baş verdiyinə dair təhlil nəticələrini əldə etməklə, biznesiniz həm keçmiş fəaliyyətinə, həm də bu fəaliyyətə təsir edən amillərə daha aydın təsvirə malik olacaqsınız.

Proqnozlaşdırıcı və istiqamətləndirici analitika

Maşın öyrənməsi və statistik metodlardan yararlanmaqla iş axınının və trendlərin proqnozlaşdırılması, habelə müxtəlif ssenarilərin modelləşdirilməsi yolu ilə bazar dəyişikliklərini, müştəri ehtiyaclarını və əməliyyat risklərini qabaqcadan görməyə imkan verəcək. Bu, əməkdaşlarınız üçün gələcəyə doğru daha effektiv qərarlar qəbul etmək üçün şərait yaratmış olacaq.

İnteraktiv tablolar və hesabatlıq

Aparıcı vizuallaşdırma alətlərindən istifadə edərək, mürəkkəb informasiyanı bir baxışda vizuallaşdırmağa imkan verən intuitiv hesabat tabloları yaradırıq. Belə fərdiləşdirilmiş tablolar əməkdaşlarınız data əsaslı qərarlar qəbul edə bilməsi üçün əvəzolunmaz rola malikdir.

Məlumat idarəolunması və keyfiyyətə nəzarət

Məlumatların idarəolunması və keyfiyyətə nəzarət üçün qabaqcıl təcrübələrin tətbiq olunması nəticəsində məlumatlarınızın dəqiqliyindən, standartlara uyğunluğundan və təhlükəsiz formada istifadə olunduğundan əmin olacaqsınız.

Digər Xidmətlər

Proqram təminatı

Komandamız ixtiyari mürəkkəbliyə malik informasiya sistemlərinin yaradılması və belə sistemlərə texniki dəstəyin göstərilməsi istiqamətində ixtisaslaşmış mütəxəssislərdən ibarətdir. Konsepsiyadan başlayaraq, sistemin layihələndirilməsi, yaradılması, istismara verilməsi və istifadəsi müddətində komandamız tərəfindən göstərilən xidmətin müştərilərin unikal məqsəd və ehtiyaclarına uyğun şəkildə formalaşdırılması diqqət etdiyimiz əsas məqamlardandır.

Süni intellekt

Süni İntellekt (Sİ) texnologiyaları müasir dünyada müxtəlif sahələrdə inqilab yaradır və məlumatların təhlili, avtomatlaşdırma, proqnozlaşdırma kimi funksiyaları yeni bir səviyyəyə qaldırır. Komandamızın süni intellekt sahəsində malik olduğu geniş təcrübə bizə müxtəlif layihələrdə mürəkkəb problemlərə innovativ yanaşma ilə ağıllı həllər təklif etməyə imkan verir. Biz müəssisələrə rəqabət qabiliyyətlərini artırmağa, qərarvermə proseslərini optimallaşdırmağa və əməliyyat effektivliyini artırmağa kömək edirik.

Data analitika

Peyk müşahidələri

Məsafədən Zondlama xidmətləri çərçivəsində, biz müxtəlif sənayelər üçün yüksək ayırdetmə qabiliyyətinə malik peyk şəkilləri və xüsusi hazırlanmış məlumat analitikası təqdim edirik. Bu sahədə olan həllərimiz kənd təsərrüfatı, ətraf mühitin idarə edilməsi və infrastruktur sahələrində peyk məlumatlarına əsaslanan düzgün qərarlar qəbul etmək imkanı yaradır. Türksat, Planet Labs, ECURS, Azercosmos və digər komersial peyk təchizatçıları ilə birbaşa olan əməkdaşlığımız çərçivəsində ümumilikdə 400-dən artıq peyk məhsullarına çıxışı müştərilərimiz üçün təmin edirik.

Coğrafi İnformasiya Sistemləri

Coğrafi İnformasiya Sistemləri (CİS) məkansal məlumatları yüksək dəqiqliklə toplamaq, idarə etmək, təhlil etmək və vizuallaşdırmağa imkan verən texnologiyadır. Komandamız ekoloji tendensiyaların təhlilindən tutmuş şəhər planlaşdırmasına qədər müxtəlif idarələrə, qurumlara, beynəlxalq təşkilatlara və fərdlərə əsaslı fikirlər əldə etmək məqsədilə bu istiqamətdə xidmətlər göstərir.