“YONCA” və "TapAgro" rəqəmsal aqrar platformaları  Azərbaycan Kənd Qadınları Assosiasiyası - ARWA tərəfindən təşkil olunan “Rəqəmsal iqtisadiyyatda qadın iştirakı” forumunda təqdim edilib.

Sürətlə rəqəmsallaşan kənd təsərrüfatı sahəsində fəaliyyət göstərən xanımların rəqəmsal bacarıqlarının artırılması, fermer qadınların elektron ticarətə çıxışını sürətləndirmək məqsədilə təşkil edilmiş forumda “YONCA” və “TapAgro” platformalarını adıçəkilən sahələrdə gətirdiyi yeni imkanlar barədə iştirakçılara məlumat verilib.

Bildirilib ki, “YONCA" təsərrüfatın idarə edilməsi, dövlət dəstəyindən yaralanma, aqrar sahədə olan imkanlara əlçatanlığın artırılması üçün yaradılmış mobil tətbiqdir.  “YONCA” istifadə eləməklə xanımlar təsərrüfatlarını tərk eləmədən sənədləşmə işlərini həyata keçirə və onlara lazım olan müxtəlif tip məlumatları əldə edə biləcəklər.

Aqrar sahədə ixtisaslaşmış "TapAgro” elektron ticarət platforması təsərrüfatlarda aparılan işlərin görülməsi üçün lazım olan malların onlayn qaydada satın alınması və əldə edilmiş məhsulun daha geniş auditoriyaya satışı üçün xanımlara əlavə imkanlar yaradır.

Hər iki platforma iştirakçıların diqqətini cəlb etmiş, daxil olmuş suallar cavablandırılmış və yeni əməkdaşlıqların təməli qoyulmuşdur.

Digital Umbrella şirkəti olaraq biz aqrar sahədə çalışan bünün insanları alqışlayırıq  və onlara dəstək olacaq elektron həllərlə hər zaman onların yanındayıq.