17-19 may tarixlərində baş tutan 16-cı Azərbaycan Beynəlxalq Kənd Təsərrüfatı (CaspianAgro 2023)  sərgisində “Digital Umbrella" MMC olaraq “Yonca”, "TapAgro" və "Eagro" layihələri ilə təmsil olunduq. 3 gün boyunca yüzlərlə iştirakçı stendimizi ziyarət edərək şirkət və məhsullarımız haqqında geniş və faydalı məlumatlar əldə etdilər.

Həmçinin Sərgi müddətində təşkil olunan Aqrar innovasiyalar forumunda da aktiv iştirak etdik. Belə ki, aktual mövzularda çıxış edən spikerlərimiz layihələrimizin üstünlükləri, təsərrüfat sahəsində yaratdıqları imkanlar barədə panel iştirakçılarına geniş məlumatlar verdilər, mövzu ilə bağlı maraqlı müzakirələr apardılar. Son olaraq qeyd edək ki, regionun ən böyük sərgisində iştirak şirkətimiz və layihələrimiz üçün geniş qapılar açmış, həmçinin ölkədaxili və xarici şirkətlərlə uzunmüddətli əməkdaşlığa müsbət təsir göstərmişdir.